9-ամյա ամերիկացին հրաժարավել է իր սուրբծննդյան նվերից՝ անօթևաններին օգնելու համար
ԱՄՆ Օհայո նահանգի 9-ամյա բնակիչ Միկա Ֆրայը բարի գործ է կատարել: Շաբաթներ առաջ տեսնելով փողոցում սառչող անօթևան մարդկանց՝ տղան որոշել է օգնել նրանց:
Ինչպես հայտնում է Daily Mail-ը, տղան հրաժարվել է Xbox One խաղից՝ որպես Սուրբ Ծնունդի նվեր, և փոխարենը տատին խնդրել է այդ գումարով ծածկոցներ գնել անօթևանների համար: 9-ամյա տղայի ընտանիքը 60 ծածկոց է գնել և փոխանցել դրանք Access բարեգործական կազմակերությանը: Յուրաքանչյուր ծածկոցի հետ տղան հուզիչ նամակ է դրել՝ պատմելով իր ընտանիքի դժվար ճակատագրի մասին:
Տղայի ընտանիքը ֆինանսական խնդիրների պատճառով որոշ ժամանակ նույնպես օգտվել է հումանիտար հաստատությունների օգնությունից և մի քանի շաբաթ բնակվել է հատուկ կենտրոնում, երբ առանց կացարան էր մնացել:
Տղայի արարքն աննկատ չի մնացել: Դրա մասին իմացել է Microsoft ընկերությունը, որից հետո հատուկ նվերներ է հանձնել երեխային, որոնց թվում նաև Xbox One X-ի հավաքածուն: