Հայտնի են դարձել 2018-ի ամենասպասված ֆիլմերը
Աշխարհում ֆիլմերի տվյալների խոշորագույն բազան հանդիսացող IMDb պորտալը նշել է գալիք տարվա ամենասպասված ֆիլմերի անունները:
Ինչպես գրում է Gazeta.ru-ն, առաջին տեղն զբաղեցրել է Marvel կինոստուդիայի «Վրիժառուները. անսահմանության պատերազմը» հերոսական ժապավենը:
Այս ֆիլմաշարից ևս երկու ֆիլմ հայտնվել են սպասված ֆիլմերի ցանկի երկրորդ և երրորդ տեղերում: Դրանք են «Սև հովազ» և «Դեդփուլ 2» ֆիլմերը՝ համապատասխանաբար:
Առաջին տասնյակում ընդգրկվել են նաև «Յուրայի ժամանակաշրջանի աշխարհ 2», «Դամբարաններ թալանողը. Լարա Քրոֆթ», «Խաղաղօվկիանոսյան սահման 2», «Գիշատիչը», «Օուշենի 8 ընկերուհիները» կինոնկարները:
Առաջատար տասնյակը եզրափակում են «Առաքելությունն անիրագործելի է 6» և «Սոլո. Աստղային պատերազմներ. պատմություններ» ժապավենները: