Մեգան Մարքլը ծանոթացել է փեսացուի հեռու բարեկամների հետ
Մեծ Բրիտանիայի արքայազն Հարիի հարսնացուն մասնակցել է Բուքինգհեմյան պալատում կազմակերպված սուրբծննդյան ընթրիքին:
Ինչպես հայտնում է Daily Mail-ը, ընթրիքին, ավանդույթի համարձայն, մասնակցում են Միացյալ Թագավորության միապետական ընտանիքի անդամները, որոնք անուղղակի բարեկամական կապ ունեն Էլիզաբեթ Երկրորդ թագուհու հետ: Այս առիթը հնարավորություն է տալիս հանդիպել այն բարեկամների հետ, որոնք հրավիրված չեն լինելու Սուրբ Ծնունդին, որն ամեն տարի անցկացվում է Նորֆոլկի Սանդրինգհեմյան պալատում:
Սա առաջին անգամն է, երբ արքայազն Հարիի հարսնացուն հանդիպում է փեսացուի հեռու բարեկամների հետ: Բանկետի մասնակիցների թվում, այս զույգից բացի, ընդգրկվել են նաև Քեմբրիջի դուքսն ու դքսուհին:
Ավելի վաղ հաղորդվում էր, որ թագուհին արքայազն Հարիին նշանակել է Թագավորական ծովային ուժերի գեներալ-կապիտան: