Ռուս հատուկջոկատայինները ոչնչացրել են Սիրիայում «Հմեյմիմ» ավիաբազան հրթիռակոծած ահաբեկիչներին
Ռուսական զորքերի հատուկջոկատայինները վնասազերծել են դիվերսանտներին, որոնք դեկտեմբերի 31-ին կրակահերթ էին բացել «Հմեյմիմ» ռազմաբազայի ուղղությամբ: РИА Новости-ի փոխանցմամբ՝ այս մասին հայտնում է ՌԴ ՊՆ-ն:
Նշվում է, որ հատուկ գործողություններին մասնակցել են «Սիրիայում ռուսական հետախուզության բազմամակարդակ համակարգի բոլոր ուժերը»: Պարզվել է, որ ահաբեկիչները տեղակայված են եղել Իդլիբ նահանգի արևմտյան սահմանի մոտակայքում:
«Ահաբեկիչների՝ տեղափոխման վայր ժամանման պահին ողջ դիվերսիոն խումբը վնասազերծվել է «Կրասնոպոլ» բարձր ճշգրտության զինամթերքով», - հայտնել են գերատեսչությունից:
Հիշեցնենք, որ ահաբեկիչները դեկտեմբերի 31-ին ականանետերից կրակ են բացել և հրթիռակոծել են «Հմեյմիմ» ռազմաբազային ուղղությամբ, ինչի հետևանքով երկու ռուս զինվոր է զոհվել: