Կարևոր հմտություններ, որոնք կօգնեն պահպանել և ամրապնդել հարաբերությունները (նկարազարդումներ)
Մարդիկ ենթագիտակցորեն ձգտում են առողջ և կայուն հարաբերություններ կառուցել, և խոսքը ոչ միայն սիրային կապերի, այլ նաև ընդհանուր միջանձնային շփման մասին է: Սակայն փաստ է, որ մարդկանց ուշադրությունը հիմնականում կենտրոնացած է հենց ռոմանտիկ կապի և ընտանեկան հարաբերությունների վրա:
Տարբեր հոգեբաններ տարբեր մոտեցումներ են առաջարկում այս հարցի վերաբերյալ: Այսպես, ամերիկացի ընտանեկան հոգեբան Գայ Վինչը, որն արդեն ավելի քան 20 տարի օգնում է զույգերին, գտնում է, որ երջանկությունն ու բավարարվածությունը հարաբերություններում կախված են երեք հիմնական հմտությունից:
Վինչը համոզված է, որ այս հմտությունները չեն ձևավորվում ինքնուրույն և շատ հազվադեպ են ի սկզբանե լինում զուգընկերների մոտ: Այս հմտություններն անհրաժեշտ է զարգացնել, ինչի համար փորձ է պետք:
Հոգեբանի գործընկերները ևս մի քանի սովորություն են առանձնացրել, որոնք օգնում են զույգերին բավարարված և երջանիկ լինել իրենց հարաբերություններում:
AdMe.ru-ն պատմել է այս հմտությունների մասին, որոնք կօգնեն պահպանել և ամրապնդել հարաբերությունները:
Ապրումակցում
Էմպաթիան դիմացինի վիճակի մեջ մտնելու և ադեկվատ արձագանք տալու ունակությունն է:
Փորձեք դնել ձեզ ձեր զուգընկերոջ տեղը և հասկանալ՝ ինչ է նա զգում տվյալ իրավիճակում: Մի կողմ դրեք ձեր տեսակետը և իրավիճակին նայեք նրա աչքերով, քանի որ հենց էմպաթիան է առողջ ու երջանիկ հարաբերությունների հիմնական պայմաններից մեկը:
- Այսօր էլ մոռացավ:
- Դու բորբոքվեցիր անհեթեթության պատճառով:
Ուշադրություն և քաղաքավարություն
Կարևոր է գնահատել ուշադրության փոքր նշանները՝ ծաղկեփնջերը, կոնֆետները, համեղ ընթրիքը, գրկախառնությունները և այլն: Շատերը լուրջ չեն վերաբերվում սիրո այս արտահայտման դրսևորումներին, սակայն դրանք նույնպես օգնում են պահպանել ջերմությունը հարաբերություններում:
- Ես գնել եմ քո սիրած շոկոլադը:
Գործընկերություն
Հարաբերություններում անթույլատրելի է մոռանալ գործընկերության մասին. պարտադիր է հաշվի առնել զուգընկերոջ կարծիքը և որոշումներ կայացնելիս հաշվի նստել նրա հետ:
-Որոշեցի անօթևաններին տալ մեր ձմեռային հագուստը:
Ենթադրություններից խուսափելը
Չի կարելի թաքնված իմաստ ու նույնիսկ տհաճ նրբերանգներ փնտրել ձեր սիրեցյալի ասածներում՝ ենթադրելով ամենավատ բաները: Կասկածներ ունենալու դեպքում ավելի լավ է ուղիղ հարցնել նրան՝ ինչ նա նկատի ունի:
- Ի՞նչ տեսք ունեմ:
- Լավ:
«Չի հավանում»:
Երախտագիտություն
Զարմանալի է, բայց զուգընկերների համար շատ հաճելի է երախտագիտության խոսքեր լսել ոչ միայն մեծ նվերներ անելու, այլ նաև՝ առօրյայի հետ կապված օգնություն ցուցաբերելու և նման այլ դեպքերում: Շնորհակալություն հայտնելուց հետո ձեր սիրեցյալը կզգա իր կարևորությունը ձեր համար և իրոք կհավատա, որ դուք ունեք նրա կարիքը:
- Շատ եմ սիրում քո պատրաստած նրբաբլիթները:
- Շնորհակալություն:
Երջանկություն
Շատերի կարծիքով՝ սիրելի մարդը կերջանկացնի իրենց: Իհարկե, մասամբ սա ճիշտ պնդում է, սակայն երջանկության հիմքը ձեր, այլ ոչ թե այլ մարդու մեջ է: Պետք չէ մտածել, որ միայն զուգընկերն է կարող երջանկացնել ձեզ. դուք ինքներդ եք արարում ձեր երջանկությունը:
«Նա տխուր է և չի նայում ինձ: Մի՞թե էլ չի սիրում ինձ»:
Բամբասանքներից խուսափելը
Երբեք չի կարելի խոսել զուգընկերոջ մասին նրա հետևից: Միակ պատճառն այն չէ, որ նա կիմանա այդ մասին և կնեղանա, այլ նաև այն, որ որոշ ժամանակ անց դուք կլուծեք խնդիրը և կմոռանաք դրա մասին, իսկ ձեր բարեկամները և ընկերները, որոնց հետ կիսվել և բողոքել եք, չեն կարողանա ներել ձեր զուգընկերոջը:
Նեղանալու դեպքում ավելի նպատակահարմար է խոսել զուգընկերոջ հետ և քննարկել ձեզ հուզող խնդիրները՝ լինելով հանգիստ և փորձելով խնայել երկուսիդ նյարդերը:
- Ինչպե՞ս են հարաբերությունները կնոջդ հետ:
- Ամեն ինչ լավ է: