Լիլիթ Մկրտչյանը ևս կմասնակցի Ջիբրալթարի Tradewise Chess Festival-ին
Վաղը մեկնարկում է Ջիբրալթար Մասթերս խոշոր միջազգային մրցաշարը, որին այս տարի կմասնակցի 50 երկրիի 274 շախմատիստ, այդ թվում՝ 92 գրոսմայստեր, հայտնում է Հայաստանի շախմատային ֆեդերացիայի պաշտոնական կայքը:
Մրցաշարում առաջին դասակարգված շախմատիստն է հայկական շախմատի առաջատար Լևոն Արոնյանը:
Մրցաշարում Արոնյանի մրցակիցների թվում են հանրահայտ գրոսմայստերներ Մաքսիմ Վաշիե-Լագրավը , Ջիբլարթար Մասթերսի վերջին երեք տարիների հաղթող Հիկարու Նակամուրան, Դավիթ Նավարան, Պենտալա Հարիկրիշնան, Լե Քուան Լիեմը,Դուդա Յան-Քշիշտոֆը, Մայքլ Ադամսը, Վահ Հաոն, Նիկիտա Վիտյուգովը , Վասիլի Իվանչուկը և մի շարք այլ ուժեղ գրոսմայստերներ:
Մասնակիցների թվում է նաև Հայաստանի կանանց հավաքականի անդամ Լիլիթ Մկրտչյանը: