«Արսենալի» գլխավոր մարզիչը Մխիթարյանի տրանսֆերի մասին. Հենրիխը լիարժեք ֆուտբոլիստ է
Լոնդոնի «Արսենալի» գլխավոր մարզիչ Արսեն Վենգերը մեկնաբանել է Հայաստանի հավաքականի ավագ Հենրիխ Մխիթարյանի տեղափոխության մասին:
«Հենրիխը լիարժեք ֆուտբոլիստ է: Նա պահեր է ստեղծում, լավ պաշտպանվում, կարողանում է տարածություններ հաղթահարել և շատ նվիրյալ ֆուտբոլիստ է: Կարող եմ ասել, որ նա այն ֆուտբոլիստն է, ով ունի հնարավոր բոլոր որակները»,- Վենգերի խոսքը մեջբերում է ակումբի պաշտոնական կայքը:
Հիշեցնենք, որ «Արսենալը» րոպեներ առաջ պաշտոնապես հաստատել էր 29-ամյա ֆուտբոլիստի տրանսֆերը: