Մասնագետները նշել են՝ որն է Եվրոպայի ամենագեղեցիկ բուհը
Եվրոպայի ամենագեղեցիկ բուհ է ճանաչվել իտալական Բոլոնիայի համալսարանը:
Ինչպես ներկայացնում է Euromag-ը, Times Higher Education-ի կազմած վարկանշային աղյուսակով այն ամենագեղեցիկն է ճանաչվում ողջ Եվրոպայի տարածքում առկա բարձրագույն ուսումնական հաստատությունների շրջանում:
«Բոլոնիայի համալսարանը ամենագեղեցիկն է Եվրոպայում»,- գրում են վարկանշային աղյուսակի հեղինակները, որոնք ընդգծել են համալսարանի կառույցների արժեքը ճարտարապետության, պատմության և մշակույթի տեսանկյունից:
Երկրորդ հորիզոնականում հայտնվել է իսպանական Սալամանկայի համալսարանը, իսկ երրորդում՝ պորտուգալական Կոիմբրայի համալսարանը:
Ցանկի հեղինակները նշել են, որ համալսարանի գլխավոր կառույցի աշտարակը զարդարում է 57 մետր երկարությամբ ձողը՝ 12 տոննա կշռող աստղով, իսկ միջանցքները փակ են լայն հանրության համար և պահպանում են խորհրդավորության շունչը:
Բոլոնիայի համալսարանը նաև Եվրոպայի հնագույն անդադար աշխատող համասարանն է: