Թրամփն իրեն անվանել է ԱՄՆ-ի «երկրպագուն»
ԱՄՆ նախագահ Դոնալդ Թրամփը շվեյցարական Դավոսում անցկացվող տնտեսական համաժողովում հայտարարել է, որ խոստանում է լինել իր երկրի «ղեկավար երկրպագուն»:
«Կարծում եմ` ես մեր երկրի գլխավոր երկրպագուն եմ: Պատճառը, որ ես դարձել եմ երկրպագու, պարզ է. ես ուղղակի սիրում եմ մեր երկիրը», - Washington Examiner-ի փոխանցմամբ՝ ասել է Թրամփը:
Նա ընդգծել է ներդրումների մեծ ծավալը, որն այլ երկրներում գործող ընկերությունները կատարում են ԱՄՆ տնտեսության մեջ իր ընտրվելուց հետո: Իր ելույթի մեծ մասը նախագահը նվիրել է ֆոնդային շուկայում գրանցված ռեկորդներին:
Բացի դրանից` իր ելույթում նախագահը համաշխարհային առաջնորդների առաջ կրկնել է, որ միշտ առաջին տեղում կդասի ԱՄՆ-ն և նրանց խորհուրդ է տվել այդպես վարվել իրենց երկրների շահերի հետ: