Coincheck-ը կփոխհատուցի հաճախորդներին հաքերային հարձակման հետևանքով 400 միլիոն դոլարի կրիպտոարժույթի կորստի համար
Թվային արժույթների ճապոնական Coincheck բորսան հայտարարել է, որ կփոխհատուցի հաքերային հարձակման պատճառով հաճախորդների կրած կորուստները: Հարձակման հետևանքով գողացվել է 400 միլիոն դոլարի կրիպտոարժույթ: Այդ մասին հայտնում է Bloomberg գործակալությունը` վկայակոչելով ընկերության հայտարարությունը:
Հաղորդագրության համաձայն` NEM կրիպտոարժույթի գողությունից տուժել է 260 հազար օգտատեր: Նրանց բոլորին, ինչպես խոստացել է բորսան, կվճարվի փոխհատուցում յուրաքանչյուր NEM-ի դիմաց 81 դոլար փոխարժեքով: Ընդհանուր առմամբ գողացվել է 523 միլիոն NEM:
Թե երբ կվճարվի փոխհատուցումը, հաղորդագրությունում չի նշվում: Նշենք, որ հաքերային հարձակման մասին հայտնի է դարձել անցած ուրբաթ: