Յուրգեն Կլոպը բացառել է «Բորուսիայի» հարձակվողի հնարավոր տրանսֆերը «Լիվերպուլ»
Անգլիական «Լիվերպուլի» գլխավոր մարզիչ Յուրգեն Կլոպը մեկնաբանել է Դորտմունդի «Բորուսիայի» հարձակվող Պյեր-Էմերիկ Օբամեյանգի հնարավոր տրանսֆերը:
«Օբամեյանգը հիանալի տղա է: Իհարկե, երբ կարդում եք թերթեր, սկսում եք մտածել, որ այդ տրանսֆերը կարող է կայանալ:
Սակայն «Լիվերպուլն» այժմ հարձակվողի սուր անհրաժեշտություն չունի»,- գերմանացի մասնագետի խոսքը մեջբերում է Daily Mail-ը:
Ավելի վաղ հաղորդվում էր, որ Օբամեյանգն առաջիկա օրերին կտեղափոխվի «Արսենալ»: