Իտալիայում ոստիկանները տարեց դրամանենգի տան խուզարկության արդյունքում առգրավել են ավելի քան 40 մլն կեղծ եվրո
Փետրվարի 11-ին իտալացի ոստիկանները Նեապոլում բնակվող դրամանենգի տան խուզարկության արդյունքում առգրավել են ավելի քան 40 մլն կեղծ եվրո:
Ինչպես նշում է ria.ru-ն, գումարը հայտնաբերվել է ջրակայուն կափարիչներով ամուր փակված պլաստմասսայե տարաներում, որոնք բացելով՝ իրավապահները գտել են 50 և 100 եվրո արժողությամբ կեղծ թղթադրամներով 90 փաթեթ:
Ընդհանուր առմամբ, տարեց իտալացու մոտ եղել է մոտ 41 մլն եվրո՝ տպված ամենաբարձր որակով:
Հատկանշական է, որ թղթադրամներից զատ, տարաներում հայտնաբերվել են կեղծ թղթադրամների տպման համար անհրաժեշտ սարքեր ու պարագաներ:
Լրատվամիջոցների փոխանցմամբ՝ առգրավված թղթադրամները հաշվելու համար պահանջվել է 6 իրավապահ և 5 ժամվա աշխատանք: