Հայաստանը հայտնվել է այս գարնանն ամենառոմանտիկ ուղղությունների առաջին հնգյակում՝ ըստ Aviasales ծառայության
Ավիատոմսերի որոնման Aviasales ծառայությունը հրապարակել է այս գարնանը զույգերի համար ամենառոմանտիկ ուղղությունների տասնյակը, որում տեղ է գտել նաև Հայաստանը:
Ինչպես փոխանցում է tourism.interfax.ru-ն, Հայաստանն այս ցուցակում զբաղեցրել է հինգերորդ հորիզոնականը:
Ամենառոմանտիկ զբոսաշրջային ուղղությունների ցանկը գլխավորում է Ռուսաստանը, ցանկում տեղ են գտել նաև Թաիլանդը, Իտալիան, Թուրքիան, Իսպանիան, Վրաստանը, Գերմանիան, Չեխիան ու Ֆրանսիան:
Ավելի վաղ Հայաստանը տեղ է գտել ռուսաստանցի զբոսաշրջիկների համար 2018 թվականի ամենաբյուջետային ուղղությունների առաջատար հնգյակում: