Թուրքական հոլդինգին պատկանող կործանված ինքնաթիռում է գտնվել այդ ընկերության ղեկավարի դուստրը
Իրանի արևմուտքում կործանված մասնավոր ինքնաթիռի ուղևորներն են եղել հայտնի թուրք գործարար Հյուսեյն Բաշարանի դուստրը և նրա ընկերներից 7-ը:
Ինչպես հաղորդում է РИА Новости-ն՝ վկայակոչելով թուրաքական աղբյուրը, Մինա Բաշարանը վերադառնալիս է եղել Արաբական Միացյալ Էմիրություններից, որտեղ ընկերուհիների հետ անցկացրել է հարսանիքից առաջ կազմակերպվող «միայնակ կյանքին հրաժեշտ տալու» խնջույքը:
Նշվում է, որ գործարարի դուստրը 2013 թվականից ընդգրկված է եղել հոլդինգի տնօրենների խորհրդի կազմում: Նրան պատրաստում էին հոր փոխարեն ընկերության ղեկավարի պաշտոնը զբաղեցնելուն:
Ինչպես ավելի վաղ հաղորդվել էր` Շարժայից Ստամբուլ թռչող ինքնաթիռը ռադարների տեսադաշից անհետացել է: Օդանավում 11 մարդ է գտնվել, այդ թվում՝ անձնակազմի 3 անդամ: Թուրքական աղբյուրի հաղորդմամբ՝ ինքնաթիռը պատկանել է Başaran Holding ընկերությանը:
Իրանցի փրկարարները փորձում են հասնել ավիավթարի վայր: