Ֆեդերեր. Նման հաղթարշավն անհնար է կանխատեսել
Շվեյցարացի թենիսիստ Ռոջեր Ֆեդերերը մեկնաբանել է այն փաստը, որ եթե Ինդիան Ուելսի մրցաշարի կիսաեզրափակչում հաղթի Հեն Չոնին, ապա կկրկնի կարիերայի լավագույն մեկնարկը՝ տանելով 16 անընդմեջ հաղթանակ
«Իհարկե, նման վիճակագրությունն ինձ դուր է գալիս: Դժվար է համեմատել այդ մրցաշրջանը սրա հետ: Երկար ժամանակ է անցել այդ օրերից: Չեմ ստի ու կնշեմ, որ մրցաշրջանի մեկնարկում արդեն գտել եմ իմ խաղային տեմպը:
Լավ էի ինձ զգում Ավստրալիայում ու հիանալի խաղացի նաև Ռոտերդամում: Ուրախ էի, քանի որ նվաճել էի մրցաշարի տիտղոսը, այլ ոչ թե դարձել էի աշխարհի առաջին ռակետ:
Նման հաղթարշավները կանխատեսելն անհնար է: Այս մրցաշրջանում վստահ եմ խաղում, սակայն ոչ-ոք չի կարող ասել, թե ինչ կլինի ապագայում»,- Ֆեդերերի խոսքերը մեջբերում է «ATP»-ի մամուլի ծառայությունը: