Ֆուտբոլի Հայաստանի հավաքականը նորեկ ունի. փաստեր Ժոաո Ժորդի Մոնրո Արարատի մասին

Արթուր Պետրոսյանը հրապարակել է Հայաստանի հավաքականի հայտացուցակը Էստոնիայի և Լիտվայի հետ ընկերական խաղերի համար:

Կա նոր անուն՝ Ժոաո Ժորդի Մոնրո Արարատ, ով հանդես է գալիս կոլումբական «Բոյակա Չիկո» ակումբում:

Փորձենք «բացահայտել» մեր ազգային թիմի նոր ֆուտբոլիստին:

Ամբողջական անունը՝ Ժորդի Ժոաո Մոնրո Արարատ, ազգությունը՝ Կոլումբիա, Հայաստան

տարիքը՝ 22, ծնվել է՝ հունվարի 3, 1996 թ.

դիրքը՝ ձախ պաշտպան, խաղային ոտքը՝ ձախլիկ 

2017 թվականին «մեր նոր Արարատը» կոլումբական «Ինդեպենդիենտե Սանտա Ֆե» թիմից տեղափոխվել է «Բոյակա Չիկո»:

«Չիկոն» հանդես է գալիս Կոլումբիայի առաջնությունում (Liga Aguila): Ընթացիկ առաջնության 8 տուրերից հետո թիմը հաղթանակ չի տարել (3 ոչ-ոքի, 5 պարտություն) և եզրափակում է մրցաշարային աղյուսակը:

Ժոաո Ժորդի Մոնրո Արարատն առանց փոխարինման մասնակցել է 7 հանդիպումների, 1 խաղում էլ մնացել է պահեստայինների նստարանին: Այդ խաղերում նա 3 անգամ դեղին քարտ է ստացել: Թիմը 8 խաղում 17 գոլ է բաց թողել:

Կարևոր փաստ Արարատի կարիերայից

Ֆուտբոլիստի ծառայություններով նախորդ տարվա ձմռանը հետաքրքրված են եղել ֆրանսիական թիմեր՝ «Անժեն», «Դիժոնը», «Տուրը», «Ստրասբուրը» և «Ամիենը»,- հայտնում է «saquedemeta»-ն:

22-ամյա խաղացողը «Սանտա Ֆեում»

*Ժորդի Մոնրոն՝ կենտրոնում