Վրաստանը և Թուրքիան պայմանավորվել են ուժեղացնել սահմանային անվտանգությունը

Վրաստանը և Թուրքիան հուշագիր են կնքել սահմանային անվտանգությանն ուղղված միջոցառումների ուժեղացման մասին: Ինչպես փոխանցում է Грузия Online-ը, այս մասին ասվում է Վրաստանի ՆԳՆ կայքում:

Փաստաթուղթը նախօրեին ստորագրվել է Թբիլիսիում Վրաստանի ՆԳ նախարար Գեորգի Գախարիայի և նրա թուրք պաշտոնակից Սուլեյման Սոյլուի հանդիպման ժամանակ:

Ինչպես նշում են վրացական գերատեսչությունից, հուշագիրը թույլ կտա ընդլայնել Վրաստանի և Թուրքիայի միջև համագործակցությունը միջսահմանային հանցավորության դեմ պայքարում և ամրապնդել երկու երկրի անվտանգությունը:
 
Հանդիպման ժամանակ Գախարիան Սոյլուին ծանոթացրել է նախարարության բարեփոխումների և առաջնահերթությունների ծրագրին, ինչպես նաև պատմել է սահմանային ոստիկանության ընթացիկ բարեփոխումների մասին: