Ֆրանսիական շամպայնը 2017թ. վաճառքի ծավալի ռեկորդ է սահմանել
2017 թվականին ֆրանսիական շամպայնի վաճառքի ծավալը հասել է ռեկորդային ցուցանիշի՝ կազմելով գրեթե 4.9 միլիարդ եվրո: Այս մասին հայտնում է РИА Новости-ն՝ մեջբերելով Ֆրանսիայի շամպայնի կոմիտեի տվյալները:
Աղբյուրը մանրամասնում է, որ հիմնական ներմուծող երկրներ են դարձել Մեծ Բրիտանիան, ԱՄՆ-ը և Ճապոնիան: Կոմիտեի ներկայացուցիչների խոսքով՝ վերջին 12 տարում շամպայնի շրջանառությունն ընդհանուր առմամբ աճել է մեկ միլիարդ եվրոյով, ընդ որում՝ Եվրոպայից դուրս այս խմիչքի շրջանառությունը նույն ժամանակահատվածում աճել է երկու անգամ:
Նշվում է, որ 2017 թվականին շամպայնի արտահանումն առաջին անգամ գերազանցել է այս խմիչքի գործածությունը Ֆրանսիայում. արտահանումը եվրոպական երկրներ կազմել է ընդհանուր շրջանառության 26 տոկոսը, իսկ Եվրոպայից դուրս՝ 31 տոկոսը:
Ֆրանսիայի շամպայնի կոմիտեի ներկայացուցիչներն ընդգծել են, որ Չինաստանը ֆրանիսական շամպայնի արտահանման հեռանկարային շուկա է: