Մեքսիկայում հարսանիքի ժամանակ բռնկված հրդեհը 300 հյուրին ստիպել է փախչել դահլիճից (լուսանկարներ, տեսանյութ)
Բրիտանական The Daily Mail պարբերականը հրապարակել է ուշագրավ տեսանյութ, որում երևում է՝ ինչպես է Մեքսիկայում հարսանեկան արարողության ժամանակ անսպասելիորեն բռնկված կրակը տարածվում սրահով մեկ՝ ստիպելով հարս ու փեսային, ինչպես նաև 300 հյուրին փախուստի դիմել:
Աղբյուրը մանրամասնում է, որ հրդեհը բռնկվել է նորապսակների առաջին պարի ժամանակ: Ընդ որում՝ հարսն ու փեսան այդ պահին այնքան տարված են եղել իրարով, որ չեն էլ տեսել՝ ինչ է կատարվում շուրջը: Դա շարունակվել է այնքան ժամանակ, քանի դեռ հյուրերից մեկը նրանց չի սթափեցրել՝ ցույց տալով առաստաղին բռնկված կրակը:
Տեղի լրատվամիջոցների փոխանցմամբ՝ կրակը բռնկվել է պիրոտեխնիկական սխալի պատճառով: Դեպքի առչությամբ հետաքննություն է սկսվել: