Ժողովրդի ընտրյալը հրապարակում չի ընտրվում, ժողովրդի ընտրյալն ընտրվում է ընտրությամբ. Կարեն Կարապետյան
Քաղաքական օրակարգում որևէ սահմանափակում այսօր չենք դնում ու չենք էլ դրել, և կարծում եմ, որ տրամաբանական լուծումն այն է, որ մեր կուսակցությունները ՀՀ Սահմանադրության և օրենքի սահմաններում նստեն ու քննարկեն:
Այսօր լրագրողների հետ զրույցում նման տեսակետ հայտնեց վարչապետի պաշտոնակատար Կարեն Կարապետյանը՝ անդրադառնալով ներքաղաքական իրավիճակին։ Նա հանդուրժողականություն կոչ արեց և ասաց, որ քաղաքական ուժերի հանդիպումներ են հարկավոր, որոնք կորոշեն՝ կա՞ խորհրդարանական ընտրության անհրաժեշտություն, թե ոչ, և ինչ ձևով պիտի արվի այն:
«Այսպես շարունակելով՝ մենք ունենալու ենք տնտեսական խնդիրներ, զբոսաշրջություnն ընկել է, մենք ունենք զորակոչ և այլ բազմաթիվ խնդիրներ: Ապակայուն վիճակը մեր երկրին օգուտ չի տալու, այդ պատճառով խնդրում եմ մեր բոլոր քաղաքացիներին՝ տատիկներին, պապիկներին, ծնողներին, ուսանողներին՝ մաքսիմալ սթափ մտածել՝ ի՞նչ ենք մենք ցանկանում: Մենք հարգում են մեր քաղաքացիներին, և ըստ դրան արձագանք եղել է, նաև պահանջի կետեր են բավարարվել:
Ձեռքս պուլսի վրա եմ պահում, տեսնում եմ, թե որքանով է ընկել զբոսաշրջությունը, որքանով է ընկնում բիզնեսների հետաքրքրությունը: Մենք գալու են մի վիճակի, որ այս տնտեսական վիճակը բարձրացնելը դժվար է լինելու: Գիտեք, որ առաջիկա 3 ամիսներին մենք 6.6 տոկոս աճ ենք ունեցել: Այո, մեր քաղաքացիները տնտեսական աճը դեռևս չեն զգում, բայց այլ տարբերակ չկա պիտի գա մի կետի և ազդի»,- ասաց նա:
Ինչ վերաբերում է ԱԺ «Ելք» խմբակցության ղեկավար Նիկոլ Փաշինյանի հայտարարությանը, թե ի վերջո հրապարակը կընտրի վարչապետին, Կարեն Կարապետյան ասաց, թե ինքը որևէ երկիր չգիտի, որ ժողովրդի ընտրած թեկնածուն նման կարգով է ընտրվում: Նա շեշտեց՝ ժողովրդի կամքի արտահայտման ձևն ընտրություններն են, և սա իր անձնական կարծիքը չէ, սա պահանջում է օրենքը:
«Այո, հրապարակում կան քաղաքացիներին, որոնք դժգոհ են, բայց ո՞նց չափենք՝ որն է հայտանիշը: Գիտեք մի երկիր, որտեղ այդպես է ընտրվում ժողովրդի ընտրյալը: Մենք ասում են՝ եկեք արտահերթ ընտրություն անենք. ես չեմ բացառում, որ ժողվորդի ընտյալը դառնա թեկնածու։ Այլ տարբերակ ասեմ՝ Սահմանադրությունը չի արգելում, որ ԱԺ-ում ուժը ներկայացնի իր թեկնածուին, եթե հաղթեն՝ ապա այո: Մենք չեն կարող սուբյեկտիվ հատվածներ ստեղծել, որով կարող ենք ասել, որ ես ժողովրդի ընտրյալն եմ, նա այս հատվածի ընտրյալն է, մյուս հատվածի ընտրյալն է: Ես բացառում եմ, որովհետև ժողովրդի ընտրյալն այդպես չի ընտրվում, ժողովրդի ընտրյալն ընտրվում է ընտրությամբ»:
Կարեն Կարապետյանը նշեց՝ իր համար միակ ճանապարհը քաղաքական ուժերի համագործակցությամբ արտահերթ խորհրդարանական ընտրություններն են: Նա նկատեց, որ ամեն ընտրությունից հետո ՀՀ-ում ընտրական պրոցեսները մի քայլ առաջ են լինում: Միևնույն ժամանակ Կարապետյանը չբացառեց, որ ընտրությունների ժամանակ կարող են լինել թերություններ:
«Համաձայնեք՝ ընտրությունները մեր քաղաքական մշակույթի, հասարակության հիվանդությունների արտահայտում են: Մենք ունենք բազմաթիվ խնդիրեր՝ կրթվելու, փոխվելու, քաղաքական մշակույթ մշակելու, մեկս մյուսի հետ բանավիճելի, խոսելու, այդ իսկ պատճառով ժողովրդի ընտրյալը մի տարբերակ ունի՝ ընտրություն: Թող քաղաքական ուժերով հավաքվեն, զրուցեն»,- շեշտեց Կարեն Կարապետյանը:
Դիտարկմանը, որ առկա «Ընտրական օրենսգրքով» Նիկոլ Փաշինյանը չի ցանկանում գնալ խորհրդարանական ընտրությունների, Կարապետյանը պատասխանեց, թե ուրեմն, թող հավաքվեն քաղաքական ուժերով ու զրուցեն: Ըստ նրա՝ բոլոր հարցերը, որոնք հուզում են, պետք է սեղանի շուրջ բանակցվեն:
«Հարգում եմ մեր դժգոհ քաղաքացիներին էլ, բայց մենք ձեզ հետ միասին մշակել ենք Սահմանադրություն, օրենքներ, և սրա տրամաբանության մեջ պետք է լինենք: Մենք աշխարհին վատ ազդակներ ենք ուղարկում, որ մենք ռեգուլյար կարող են սուբյեկտիվ ձևով մեկնաբանել ժողովրդի ընտրյալին, չկա այդպիսի ժողովրդի ընտրյալ»,- շարունակեց Կարապետյանը:
Վարչապետի պաշտոնակատարը հավելեց՝ քաղաքական ուժերը պետք գան ընդհանուր հայտարարի, որ չստացվի, թե մի քաղաքական ուժի թելադրանքով է: Ինչ վերաբերում է հարցին, որ Նիկոլ Փաշինյանը հայտարարել է, թե ՀՀԿ-ականը չի կարող լինել վարչապետ, Կարեն Կարապետյան ասաց. «Ես շատ եմ հարգում քաղաքական կարծիքը մեր լիդերների ու գործիչների, բայց, երբ խոսում ենք քաղաքական մշակույթի, հանդուրժողականության մասին, կարելի է քննադատել, բայց չի կարելի ուլտիմատիվ ասել, որ սա կամ նա չպետք է լինի: Ո՞վ է դա որոշում, չէ՞ որ որոշելու մի տարբերակն ընտրություններն են: Գուցե մի ուժ, որին Փաշինյանը չի սիրում, մեկ այլ զանգված սիրում է, կամ հակառակը. մենք պետք է հասկանանք, թե ուր ենք ցանկանում գնալ՝ դիկտատուրայի, թելադրանքի, ընտրություն պետք է ունենք»:
Վերջին շեշտեց, որ ՀՀԿ-ում այս պահին էլ աշխատանքային մթնոլորտ է: Նա խոստովանեց՝ մտավախություններ ունի, որոնց նաև լուծումներ ունի՝ առաջարկում է քաղաքական ուժերը նստեն ու բանակցեն: Կարեն Կարապետյանը հիշեցրեց, որ երկրի անկայուն վիճակն անդրադառնում է աշխատավարձերի, թոշակների, տնտեսական աճի, զորակոչի, ներդրողների վրա: