Ռուսաստանը սկսել է Թուրքիայի համար С-400 համակարգերի արտադրությունը
Ռուսաստանը սկսել է Թուրքիայի համար նախատեսված С-400 զենիթահրթիռային համակարգերի արտադրությունը, ինչի մասին տեղեկացրել է «ՌոսՕբորոնԷքսպորտ» ընկերության նախագահ Ալեքսանդր Միխեևը, հայտնում է РИА Новости գործակալությունը:
«Մենք արդեն անցել ենք պայմանագրի կատարմանը»,- ասել է Միխեևը:
Վերջինը մանրամասնել է, որ սույն փուլը նույնպես ունի իր ցիկլերն ու էտապները:
«Ամեն բան պայմանավորված է, մենք կատարելու ենք մեր պարտականությունները», - բացատրել է Միխեևը:
Նշենք, որ ավելի վաղ ԱՄՆ ռազմական գերատեսչությանհ ղեկավար Ջեյմս Մեթիսը, խոսելով Թուրքիայի կողմից ռուսական C-400 համակարգերի գնման մասին, նշել էր, որ Վաշինգտոնը պատրաստ է այլընտրանքային տարբերակ առաջարկել Թուրքիային:
2017թ. Ռուսաստանի և Թուրքիայի միջև C-400 համակարգերի գնման շուրջ կնքված գործարքը Թուրքիային արժեցել է ավելի քան 2 մլրդ դոլար: