Փերիս Հիլթոնից ավելի քան 100 000 դոլար և անկեղծ լուսանկարներ են գողացել․ TMZ
ԱՄՆ-ում կին հաքերը կոտրել է ամերիկացի մոդել, դերասանուհի և երգչուհի Փերիս Հիլթոնի համացանցային հաշիվները՝ գողանալով ավելի քան 100 000 դոլար և անկեղծ լուսանկարներ։ Այս մասին հայտնում է TMZ պորտալը։
Պորտալի տվյալների համաձայն՝ Հիլթոնը եղել է հանցագործի ուշադրության կենտրոնում 2015-2017 թվականներին։ Նրան հաջողվել է մտնել դերասանուհու բանկային հաշիվները և iCloud ծառայության հաշիվը։
Մասնավորապես, հաքերն օգտագործել է Հիլթոնի բանկային քարտի բանկային տվյալները՝ 2015 թվականի ամանորյա երեկույթի ժամանակ հոլիվուդյան «Ռուզվելտ» հյուրանոցում համար ամրագրելու նպատակով։ Քննիչների տվյալների համաձայն՝ միայն այդ գիշերվա ընթացքում հաքերը մոտ 40 հազար դոլար է ծախսել։
Հանցագործը նաև էլեկտրոնային նամակ է ուղարկել Հիլթոնի օգնականներից մեկին՝ խնդրելով 80 հազար դոլար փոխանցել իր հաշվին։ Դրանից բացի, նա գողացել է աստղի անկեղծ լուանկարները, սակայն պարզ չէ՝ ինչ է նա արդել դրանց հետ։
Նշվում է, որ հաքերային հարձակման զոհ են դարձել նաև Փերիսի հայր Ռիք Հիլթոնը և քույր Նիքին։