Թուրքիան իրավունք չունի բարոյական քարոզներ կարդալ՝ հաշվի առնելով օսմանցիների իրականացրած Հայոց ցեղասպանությունը. քաղաքական մեկնաբանը՝ Fox Business-ի եթերում եթերում
Ամերիկուհի հաղորդավար, քաղաքական մեկնաբան Լիզա Քենեդի Մոնտգոմերին, Fox Business-ի եթերում իր հեղինակային ծրագրի շրջանակներում անդրադառնալով թուրք-իսրայելական հարաբերությունների նոր լարվածությանը, նշել է, որ Թուրքիան իրավունք չունի դատապարտել որևէ երկրի:
«Թուրքիան դարձել է ստվերային, ավտորիտար, իրավախախտ, «Իսլամական պետությանը» զիջող, դժոխային երկիր, որը ոչ մի իրավունք չունի իր հարևան երկրներից որևէ մեկին բարոյականության քարոզներ կարդալու… Թուրքիան պետք է որ մեր չափավոր դաշնակիցը լինի, ՆԱՏՕ-ի անդամ երկիր, որի հետ կարևոր է պահպանել այս կեղծ վանկախաղը, քանի որ չենք կարող պարկեշտություն դրսևորել՝ ճանաչելու համար Հայոց ցեղասպանությունը», - ասել է մեկնաբանը:
Վերջինս մատնանշել է, որ Թուրքիան էր այն երկիրը, որը համարձակվեց Գազայի հատվածում պաղեստինցիների սպանությունն անվանել «կոտորած» կամ «ցեղասպանություն»: «Դա բարդ է հասկանալ՝ հաշվի առնելով, որ անցյալ դարում 1.5 մլն հայ է սպանվել օսմանցիների կողմից Հայոց ցեղասպանության ժամանակ», -շեշտել է հաղորդավարը: