Մոսկվայի կենտրոնում տաքսին դուրս է եկել մայթ՝ վրաերթի ենթարկելով անցորդներին
Մոսկվայի կենտրոնում տաքսու մասնակցությամբ ճանապարհատրանսպորտային պատահարի հետևանքով 8 մարդ տուժել է: Այս մասին հայտնում է Gazeta.ru-ն՝ մեջբերելով ՌԴ ՆԳՆ մայրաքաղաքային վարչության հաղորդագրությունը: Վթարը տեղի է ունեցել Իլյինկա փողոցի տներից մեկի մոտակայքում:
«Տաքսի ավտոմեքենայի վարորդը դուրս է եկել մայթ և վրաերթի ենթարկել անցորդներին: Նախնական տվյալներով՝ բուժօգնության է դիմել 8 մարդ: Ըստ նախնական վարկածի՝ վարորդը չի կարողացել վերահսկել մեքենայի կառավարումը», - ասվում է ՆԳՆ վարչության հաղորդագրության մեջ:
Նշվում է, որ կատարվածի հետևանքով զոհեր չկան, իսկ վարորդը ձերբակալվել է: