Ալեքսիս Օհանյանը ներկայացրել է, թե ինչպես է հասցնում ժամանակը բաժանել աշխատանքի և ընտանիքի միջև
Յուրաքանչյուր ձեռներեց ներդնում է իր ողջ ջանքերն ու հույսերն իր աճող բիզնեսի բարգավաճման համար և հաճախ իր ձեռնարկությանը վերաբերվում է որպես իր երեխային:
Այս մասին գրում է entrepreneur.com-ը՝ ներկայացնելով Reddit և Initialized Capital ընկերությունների համահիմնադիր Ալեքսիս Օհանյանի օրինակը, թե ինչպես է նա հասցնում հավասարապես ժամանակ հատկացնել աշխատանքին և ընտանիքին:
«Անկասկած, դա մշտական լարվածություն է: Դա մի բան է, որի դեմ պայքարում եմ: Սակայն ինչպես ցանկացած գործ, այս կյանքում դա հաղթահարելը ևս ինքնակատարելագործման մի քայլ է», - ասել է Օհանյանը:
Նա նշել է, որ փորձում է լավագույնս բաժանել իր ժամանակը, որպեսզի արդյունքի հասնի աշխատանքում և կարողանա բավականաչափ ժամանակ հատկացնել կնոջը՝ Սերենա Ուիլյամսին և դստերը Օլիմպիային:
Նա ցանկանում է, որ մյուս բոլոր ծնողներն էլ ստիպված չլինեն ընտրություն կատարել աշխատանքի և անձնական կյանքի միջև: