Եվրոպա՝ կովկասյան շեշտադրմամբ. ուկրաինացի լրագրողը կիսվել է Երևան կատարած այցի տպավորություններով
Ուկրաինական Обозреватель պարբերականի խմբագիր Յուրի Մարչենկոն հոդված է հրապարակել Հայաստան կատարած իր ճանապարհորդության մասին:
«Այստեղ եզակի շուկաներ կան»,- համեմատելով հայկական շուկաները Ուկրաինայի հետ Մարչենկոն նշում է, որ Հայաստանի շուկաներում բոլորն իրեն «եղբայր» էին ասում:
Հեղինակը հումորով է շնորհակալություն հայտնում հայերին՝ նշելով, որ «շնորհակալություն» բարդ բառի փոխարեն հայերն օգտագործում են «մերսի» բառը:
Իսկ Հայաստանի մայրաքաղաքն ուկրաինացի լրագրողն անվանում է «Եվրոպա՝ կովկասյան շեշտադրմամբ»: Լինելով «Արարատ» կոնյակի թանգարանում՝ Մարչենկոն բելառուսցի, լեհ, ղազախստանցի և սլովակ գործընկերների հետ եկել է այն եզրակացության, որ իրենց երկրներում չկա նման միասնական ազգային բրենդ, ինչպիսին «Արարատ» կոնյակն է Հայաստանում:
Հայաստանի այցեքարտերի շարքում լրագրողը նշել է նաև ծիրանը, կեռասը, Փարաջանովի թանգարանը, դեպի Արարատ բացվող տեսարանը և Սևանա լիճը:
Իր հոդվածը Մարչենկոն եզրափակում է Հայաստանում տեղի ունեցած հեղափոխության մասին ակնարկով, որը «ժողովրդին բարեփոխումների հույս է տվել»: