Շուրջ 500 երեխա վերամիավորվել է իր ծնողի հետ՝ ԱՄՆ-ի սահմանին բաժանումից հետո
Շուրջ 500 երեխաներ վերամիավորվել են իրենց ծնողների հետ, որոնք ձերբակալվել էին մեքսիկա-ամերիկյան սահմանին՝ ԱՄՆ ներթափանցելու անօրինական փորձի ժամանակ, գրում է Associated Press գործակալությունը։
Հայտնի է, որ ապրիլի 19-ից մայիսի 31-ն ընկած ժամանակահատվածում անօրինական ներգաղթյալների զանգվածային ներհոսքի հետևանքով շուրջ 2.000 երեխա է բաժանվել իր ծնողից։
Աղբյուրը նշում է, որ ԱՄՆ իշխանությունները ցանկանում են վերջ դնել Մեքսիկայի հետ սահմանին առկա ճգնաժամին․ նրանք հնարավորություններ են փնտրում փախստականներին ամբողջական ընտանիքներով ձերբակալելու ու երկրից արտաքսելու համար։
Նշենք, որ հունիսի 20-ին ԱՄՆ նախագահ Դոնալդ Թրամփը ստորագրել է նոր հրաման, որով արգելվում է անօրինական ներգաղթյալների ընտանիքների տրոհման պրակտիկան։