Boeing-ը հայտարարել է գերձայնային ինքնաթիռ ստեղծելու մասին, որն ուղևորներին Լոնդոնից Նյու Յորք կհասցնի 2 ժամում
Ամերիկյան Boeing ավիաընկերությունը հայատարարել է ուղևորատար գերձայնային ինքնաթիռի արտադրություն սկսելու մասին, որը կկարողանա ավելի քան 6000 կմ/ժամ արագություն զարգացնել:
Ինչպես հաղորդում է The Independent-ը, նոր ինքնաթիռը կկարողանա Ատլանտյան օվկիանոսը հատել 2 ժամում, իսկ Խաղաղ օվկիանոսը՝ 3 ժամում:
Ատլանտյան օվկիանոսը հատելու արագության գործող ռեկորդը պատկանում է անգլո-ֆրանսիական «Կոնկորդ» ինքնաթիռին, որն օվկիանոսն անցել է 2 ժամ 52 րոպեում: Ներկայիս գերարագ ինքնաթիռը Լոնդոնից Նյու Յորք թռչում է շուրջ 7 ժամում:
Boeing-ից հայտնել են, որ գերձայնային ինքնաթիռի շահագործման պարագայում յուրաքանչյուր ցանկացող կկարողանա օվկիանոսն անցնել և հետ վերադառնալ մեկ օրվա ընթացքում: Իսկ Լոնդոնից Նյու Յորք հասնել հնարավոր կլինի 2 ժամում:
Փորձագետների կարծիքով՝ փորձնական նշումը երկինք կբարձրանա 2023 թվականին, իսկ կանոնավոր չվերթները հնարավոր կլինի իրականացնել 2030-ականներին: