Մեծ Բրիտանիայում ներկայացվել է առաջին հնդկական հիպերքարը (լուսանկարներ)
Բրիտանական Արևմտյան Սասեքս կոմսությունում անցկացվող Արագության փառատոնի ժամանակ Vazirani Automotive ընկերությունը ներկայացրել է իր առաջին մոդելը՝ Shul էլեկտրական հիպերքարը: Այս մասին հայտնում է Motor.ru-ն:
Նշվում է, որ ավտոմեքենան դեռևս պատրաստ չէ. այն ներկայացվել է բնական չափի մակետի տեսքով: Նորույթը մշակվել է Կաձունորի Յամաուտիի հետ, որը հայտնի է որպես Gran Turismo վիդեոխաղերի ստեղծող:
Vazirani Shul-ի տեխնիկական բնութագրերի վերաբերյալ մանրամասներ դեռ չեն հաղորդվում: Ենթադրվում է, որ հիպերքարը կաշխատի չորս էլեկտրաշարժիչով:
Աղբյուրը մանրամասնում է, որ առաջին հնդկական հիպերքարը պլանավորվում է թողարկել Կալիֆոռնիայում, որտեղ և տեղակայված է Vazirani Automotive դիզայն ստուդիան: Ընկերության գործընկերներ կլինեն Michelin-ը և Force India թիմը: