Թրամփը նշել է, թե որ թեմաներն է քննարկելու Պուտինի հետ հանդիպմանը
ԱՄՆ նախագահ Դոնալդ Թրամփը հայտարարել է, որ Հելսինկիում կայանալիք գագաթնաժողովում ռուս պաշտոնակցի հետ քննարկելու է Ուկրաինային, Սիրիային և միջուկային զենքի չտարածմանը վերաբերող հարցերը:
Ինչպես հաղորդում է РИА Новости-ն, վերջինս ընդգծել է, որ Վլադիմիր Պուտինի հետհանդիպումը կայանալու է «ՆԱՏՕ-ի հոյակապ գագաթնաժողովից հետո»: «Պարոն Պուտինի հետ մենք մի շարք հարցերի շուրջ ենք խոսելու՝ Ուկրաինայի, Սիրիայի, Մերձավոր Արևելքի այլ հատվածների, միջուկային զենքի չտարածման մասին», - ասել է Թրամփը՝ ելույթ ունենալով Մեծ Բրիտանիայի վարչապետ Թերեզա Մեյի հետ համատեղ ասուլիսում:
Խոսելով միջուկային զենքի չտարածման մասին՝ Թրամփը նշել է, որ «դա կործանարար տեխնոլոգիա» է:
Հիշեցնենք, որ ԱՄՆ և ՌԴ ղեկավարների հանդիպումը կայանալու է հուլիսի 16-ին Հելսինկիում: