Ոստիկանությունը տեղեկություններ ունի, որ Վարդենիսի «Նյարդաբանական տուն-ինտերնատ»-ում յուրացումներ են կատարվել. նախապատրաստվում են նյութեր
ՀՀ ոստիկանությունն օպերատիվ տեղեկություններ է ստացել, որ Վարդենիսի «Նյարդաբանական տուն-ինտերնատ» ՊՈԱԿ-ում յուրացումներ են կատարվել:
Tert.am-ի հետ զրույցում ՀՀ ոստիկանության ԶԼՄ-ների հետ կապի բաժնի պետ Զարզանդ Գաբրիելյանն ասաց, որ ՀՀ ոստիկանության կազմակերպված հանցավորության դեմ պայքարի գլխավոր 6-րդ վարչության Կոռուպցիայի և տնտեսական գործունեության դեմ ուղղված հանցագործությունների հակազդման վարչության, Գեղարքունիքի մարզային վարչության և Վարդենիսի բաժնի ծառայողների հետ համատեղ ձեռնարկված օպեր-հետախուզական միջոցառումների շնորհիվ օպերատիվ տեղեկություններ են ստացվել, որ Վարդենիսի «Նյարդաբանական տուն-ինտերնատ» ՊՈԱԿ-ում յուրացումներ են կատարվել:
«Հանգամանքները պարզվում են»,-ասաց նա:
Ոստիկանությունից հայտնեցին, որ նախապատրաստվում են նյութեր, մանրամասների մասին կտեղեկացվի ավելի ուշ: