Պայթյուն է որոտացել իրանական նավթամբարում՝ էլեկտրակայանի մոտակայքում. կան զոհեր
Իրանի արևմտյան մասում գտնվող նավթամբարում պայթյուն է տեղի ունեցել, որից հետո բռնկված հրդեհի հետևանքով երկու մարդ զոհվել է, ևս երկուսը՝ անհետ կորել:
Ինչպես տեղեկացնում է РИА Новости-ն՝ հղում անելով իրանական Fars գործակալությանը, միջադեպը տեղի է ունեցել Խոմեյն քաղաքում տեղակայաված արդյունաբերական գոտում, որից անմիջապես հետո հրդեհ է բռնկվել:
«Կրակը բռնկվել է Խոմեյն քաղաքի էլեկտրակայանի մոտակայքում, այդ իսկ պատճառով շատ վտանգավոր է, աղետալի հետևանքների վտանգ կա: Այդ պատճառով խնդրում ենք մարդկանց ոչ մի պարագայում չմոտենալ միջադեպի վայրին»,- ասվում է Էրակ քաղաքի հրշեջ բրիգադի ղեկավարի հաղորդագրության մեջ:
Հրշեջ բրիգադը ներկա պահին դեպքի վայրում է գտնվում:
Իրավապահ մարմինները պարզում են կատարվածի հանգամանքները: