Ռումինիայի մարաքաղաքում շարունակվում են հակակառավարական ցույցերը
Ռումինիայի մայրաքաղաք Բուխարեստում շարունակվում են հակակառավարական ցույցերը: Ինչպես տեղեկացնում է РИА Новости-ն՝ Agerpres գործակալությանը հղումով՝ մայրաքաղաքի կենտրոնում տեղի ունեցող ցույցերին մասնակցում է ավելի քան 10 հազար մարդ:
Գործակալության տվյալներով՝ ցուցարարների մի մասը լքել է Հաղթանակի հրապարակը՝ քայլերթով շարժվելով դեպի խորհրդարանի շենքը:
Ցույցը խաղաղ բնույթ է կրում: Ցուցարարներն իրենց հետ ունեն Ռումինիայի, ԵՄ-ի, ԱՄՆ-ի, Մեծ Բրիտանիայի ևԿանադայի դրոշներ, ինչպես նաև վուվուզելներ ու թմբուկներ: Այնուամենայնիվ՝ իրավապահ մարմինների աշխատակիցնեը բերման են ենթարկել մի տղամարդու, ով «իրեն կասկածելի էր պահում»:
Հիշեցնենք, որ հակակառավարական ցույցերը Ռումինիայի մայրաքաղաք Բուխարեստում սկսվել են օգոստոսի 10-ին: Ցուցարարները պահանջում են ցրել Ռումինիայի գործող կառավարությունը, կազմակերպել արտահերթ ընտրություններ, ապահովել անկախ արդարադատական համակարգ, ինչպես նաև ստեղծել խորհրդարան, որտեղ 300 սենատորից միայն 100-ը կներկայացնեն ռումինական սփյուռքը։ Ընդհանուր առմամբ՝ բողոքի ակցիաների մասնակիցները ձևակերպել են 20 պահանջ։