Եթե իմ նկարը կամ անունը որևէ մեկին օգնում է, որ իր բիզնեսը մի քիչ ավելի առաջ գնա, ես ողջունում եմ. Ն. Փաշինյան
ՀՀ վարչապետ Նիկոլ Փաշինյանը ֆեյսբուքյան ուղիղ եթերի ժամանակ անդրադարձել է նաև իր նկարներով այս կամ այն ապրանքի արտադրությանը: Նա շեշտել է, որ ինքն ուրախ է, որ դա մարդկանց օգնում է՝ ավելի շատ եկամուտ ստանալու:
«Եթե իմ նկարը կամ անունը որևէ մեկին օգնում է, որ իր բիզնեսը մի քիչ ավելի առաջ գնա, ես ողջունում եմ: Եթե մի մարդ, որը մինչև այդ աղքատության նպաստի հույսին էր և իմ հեղափոխության պատկերով, անունով մի ապրանք է մտածել՝ բաժակ, շապիկ և այլն ու եկամուտ է ստանում, վաճառում է, և դա նրան քաջալերում, ոգևորում է աշխատել, ես ուրախ եմ ու համարում եմ շատ մեծ ծառայություն Հայաստանի ապագային և զարգացմանը», - ասել է Նիկոլ Փաշինյանը:
Վերջինս վստահեցրել է, որ այս առումով ինքը որևէ դիսկոմֆորտ չունի, քանի որ այսօրվա կառավարության հիմնական նպատակն աղքատության հաղթահարումն է: Ըստ նրա՝ միանշանակ է, որ այս նպատակին կարելի է հասնել կառավարության ու ժողովրդի համագործակցության արդյունքում: