Հավայան կղզիներում արտակարգ դրություն է հայտարարվել՝ մոտեցող ծովամրրիկի պատճառով
ԱՄՆ նախագահ Դոնալդ Թրամփն արտակարգ դրության ռեժիմ է հայտարարել խաղաղօվկիանոսյան Հավայներ նահանգում: Ինչպես տեղեկացնում է РИА Новости-ն՝ հղում անելով Սպիտակ տանը, ամերիկացի առաջնորդի այս որոշումը պայմանավորված է «Լեյն» ծովամրրիկի մոտեցմամբ:
Արտակարգ դրության ռեժիմը թույլ կտա դաշնային օգնություն հատկացնել նահանգին՝ փոթորիկի հետևանքների դեմ պայքարելու համար: Այդ ջանքերի համակարգմամբ կզբաղվի Արտակարգ իրավիճակների հարցերով դաշնային գործակալությունը (FEMA):
Հզոր փոթորիկը գնահատվել է վտանգավորության 4-րդ աստիճանով: Այն Հավայան կղզիներին մոտենում է հարավից, քամու արագությունը կազմում է 210 կմ/ժամ: