Աշխարհի առաջին կին դեսպանից մինչև առաջին կին դատավոր. հայուհիներ, որոնք հեղաշրջել են քաղաքական աշխարհը (տեսանյութ)
Անցյալ դարի պատմության մեջ հավերժացվել են այնպիսի հայուհիների անուններ, որոնց հաջողվել է ոչ միայն մուտք գործել քաղաքականության աշխարհ, որն ավանդաբար տղամարդկանց մարտադաշտ է համարվում, այլև հասնել ամենաբարձր պետական պաշտոնների աշխարհի տարբեր երկրներում:
Նրանցից շատերն առաջին օրինակն են դարձել իրենց երկրներում բազմաթիվ կանանց համար, որոնք պայքարում են տղամարդկանց հետ իրավահավասարության համար:
Աշխարհի առաջին կին դեսպանից մինչև Նոր Զելանդիայի առաջին կին գերագույն դատավոր. հայուհիները կարողացել են ոչ միայն փայլուն կարիերա ստեղծել, այլև կոտրել այն կարծրատիպը, որ կանանց չի կարելի վստահել կարևոր պետական գործերը: Այս մասին գրում է Rusarminfo-ն՝ ներկայացնելով ամենահայտնի հայուհիներին, որոնց հաջողվել է բարձրագույն դիրք գրավել քաղաքական ասպարեզում:
1. Առաջին կին դեսպանն աշխարհում
Գրող Դիանա Հովհաննես Աբգարը (Աբգարյան) դարձել է առաջին կինն աշխարհում, որին հաջողվել է դիվանագիտական պաշտոն ստանձնել՝ դառնալով ՀՀ դեսպանը Ճապոնիայում:
2. Ավստրալիայի Նոր Հարավային Ուելս նահանգի վարչապետը
Գլեդիս Բերեջիքլյանն Ավստրալիայի ամենախիտ բնակեցված նահանգի վարչապետն է:
3. Նոր Զելանդիայի գերագույն դատավորը
Սրբուհի էլիասը առաջին կինն է Նոր Զելանդիայում, որն զբաղեցրել է Գերագույն դատարանի նախագահի պաշտոնը:
4. Ուրուգվայի միակ կին նախարարը
Լիլիամ Քեշիշյանը տարիներ շարունակ զբաղեցնում է Ուրուգվայի զբոսաշրջության և սպորտի նախարարի պաշտոնը:
5. Լիբանանի կառավարության գլխավոր ֆինասական վերահսկիչը
Հուրի Տեր-Սարգսյանը զբաղեցնում է Լիբանանի կառավարության ֆինանսական հարցերով գլխավոր կարգավորողի պաշտոնը: