Ամերիկյան քաղաքը վաճառքի է հանվել 1.7 մլն դոլարով (լուսանկարներ)
ԱՄՆ-ում վաճառքի է հանվել Ջորջիա նահանգի Թումսբորո քաղաքը: 1.7 մլն դոլարի դիմացը գնորդը կստանա բնակելի տներ, ինչպես նաև բազմաթիվ այլ կառույցներ՝ ռեստորան, վիկտորիական ոճով կառուցված հյուրանոց, ջրաղաց և անգամ սեփական օպերային թատրոն:
Ինչպես գրում է Lenta.ru-ն, քաղաքում կա նաև բանկետների սրահ, բամբակի պահեստ, վարսավիրանոց, բանկի հնագույն շենք, երկաթուղային դեպո, արհեստական լճակ, արտեզյան աղբյուր:
Քաղաքի կայքում ասվում է, որ ներկայիս տերերը հույս ունեն, որ Թումսբորոն կհայտնվի լավ ձեռքերում. նոր տերերը պետք է ըմբռնեն այդ վայրի յուրահատկությունը և պատմական կերպարի պահպանման կարևորությունը: Նրանք ենթադրում են, որ քաղաքը կարելի է օգտագործել որպես զբոսավայր կամ թանգարան բաց երկնքի տակ: Վաճառքի պատճառը չի նշվում: