Սոլսբերիի ռեստորաններից մեկում կրկին ռուսներ են տուժել
Բրիտանական Սոլսբերի քաղաքի Prezzo ռեստորանում կրկին ռուսներ են տուժել: Հաղորդվում է, որ ոստիկանությունն ահազանգ է ստացել ռեստորանի երկու այցելուի ինքնազգացողության վատացման մասին, որից հետո, անվտանգության նկատառումներից ելնելով, փակել է ռեստորանն ու դրա հարակից փողոցները:
Ինչպես հաղորդում է Daily Mail-ը՝ միջադեպին ականատես այցելուներից մեկը նշել է, որ նստած է եղել «երկու ռուսի» կողքին, որոնց ինքնազգացողությունը կտրուկ վատացել է: Միջադեպից հետո մյուս այցելուներին հորդորել են անմիջապես դիմել հիվանդանոց և արյան անալիզ հանձնել:
Ավելի ուշ Ուիլտշիրի ոստիկանությունը հաղորդել է, որ չկա որևէ հիմք ենթադրելու, որ Սոլսբերիում տուժած կնոջ ու տղամարդու ինքնազգացողության վատացման պատճառը «Նովիչոկն» է եղել, գրում է РИА Новости-ն: