Apple-ն ավարտել է Shazam հավելվածի ձեռքբերման գործարքը
Apple ընկերությունը հայտարարել է իր հաղորդագրությունում Shazam երաժշտության նույնականացման ծառայության գնման գործարքի ավարտելու մասին և հավելել է, որ ծառայությունը շուտով կաշխատի առանց գովազդի, հայտնում է «ՌԻԱ Նովոստի»-ն։
«Apple-ը և Shazam-ն ունեն երկար ընդհանուր պատմություն։ Shazam-ը եղել է App Store-ում հասանելի առաջին հավելվածներից մեկը և դարձել է ողջ աշխարհում երաժշտասերների կողմից սիրված հավելվածը։ Երաժշտության և նորարարությունների հանդեպ ընդհանուր սիրով մենք ուրախ ենք միավորել մեր թիմերը օգտատերերին երաժշտությունը բացահայտելու և վայելելու էլ ավելի շատ հնարավորություններ տալու համար»,- Apple Music-ի համար պատասխանատու ընկերության փոխնախագահ Օլիվեր Շուսերի խոսքերն են մեջբերված հաղորդագրությունում։
Սեպտեմբերի սկզբին գործարքը հավանության է արժանացրել Եվրահանձնաժողովը։