Արսենալի առաջատար կիսապաշտպաններից մեկը չի երկարաձգի պայմանագիրն ակումբի հետ
Լոնդոնի «Արսենալի» կիսապաշտպան Աարոն Ռեմսին կլքի ակումբը:
Ֆուտբոլիստը չի կարողացել համաձայնության գալ ակումբի հետ նոր պայմանագրի հարցում: Այս մասին հայտնի է դարձել «Sky Sports»-ին: Խաղացողի համաձայնագիրն ավարտվում է այս ամռանը, ինչը նշանակում է, որ մրցաշրջանի ավարտից հետո ուելսցին կլքի լոնդոնյան ակումբն ազատ գործակալի կարգավիճակով:
Ռեմսիի հետ կապված իրավիճակին ակտիվորեն հետևում է «Միլանը»: Կիսապաշտպանին իրենց թիմում ցանկանում են տեսնել նաև «Լիվերպուլը» և «Չելսին»: