ԱԺ 14 պատգամավոր միացել է դեկտեմբերին ԱԺ արտահերթ ընտրություններ անցկացնելու ստորագրահավաքին

Ազգային ժողովի մի շարք պատգամավորներ դեկտեմբերին արտահերթ խորհրդարանական ընտրություններ անցկացնելու մասին հայտարարություն են ստորագրել: Այս մասին Tert.am-ին հայտնեցին այդ հայտարարությանը միացած պատգամավորներ Տաճատ Վարդապետյանն ու Շիրակ Թորոսյանը:

Հայտարարության մեջ պատգամավորները հայտնում են.

«Պաշտպանում ենք 2018 թվականի դեկտեմբերին ԱԺ արտահերթ ընտրություններ անցկացնելու՝ վարչապետ Նիկոլ Փաշինյանի դիրքորոշումը:

Վարչապետի պաշտոնից Ն. Փաշինյանի հրաժարականից հետո մինչև ԱԺ արտահերթ ընտրությունները նոր վարչապետ չպետք է ընտրվի, և գործող ԱԺ-ն պետք է լուծարվի»:

Ներկայացնում ենք այդ պատգամավորների ցանկը՝

1. Աշոտ Արսենյան

2. Ալիկ Սարգսյան

3. Արտակ Սարգսյան

4. Արման Սահակյան

5. Տաճատ Վարդապետյան 

6. Հակոբ Գառնիկի Հակոբյան

7. Շիրակ Թորոսյան

8. Կնյազ Հասանով

9. Արսեն Միխայլով

10. Հարություն Կարապողոսյան

11. Սամվել Ալեքսանյան

12. Նահապետ Գեւորգյան

13. Արայիկ Գրիգորյան

14. Իշխան Զաքարյան

Հավելենք, որ armtimes.com-ը նաև լուսանկարներ էր հրապարակել ստորագրահավաքի փաստաթղթերից:

Հիշեցնենք, որ երեկ արդեն մի քանի պատգամավորներ հայտարարություններ էին տարածել, որով հայտնել էին իրենց աջակցությունը:

Երեկ առաջին փոխվարչապետ Արարատ Միրզոյանը հանդիպել էր «Հանրապետական» խմբակցության 3 պատգամավորի հետ և քննարկել է ԱԺ արտահերթ ընտրությունների հարցը։