«Ժառանգությունը» կուսակցությունների հետ դեռ չի հանդիպել, «ընկերական զրույց» եղել է միայն առաջին փոխվարչապետի հետ. Արմեն Մարտիրոսյան
Արտախորհրադրանական ուժերը քաղաքական գործընթացների լուսանցքից դուրս չեն, ընդամենը այս պահին ԱԺ-ի հետ կապված գործընթաց կա, այդ խնդիրներ են լուծվում: Այս մասին Tert.am- հետ զրույցում ասաց «Ժառանգություն» կուսակցության նախագահ Արմեն Մարտիրոսյանը`անդրադառնալով հարցին՝ արդյոք արտահերթ խորհրդարանական ընտրությունների հետ կապված քննարկումներում արտախորհրդարանական ուժերը լուսանցքից դուրս չեն:
«Արտախորհրադրանական ուժերը շատ ակտիվորեն մասնակցել են և հոկտեմբերի 2-ի գործընթացներին, ակտիվորեն իրենց դիրքորոշումը ներկայացնում են, որ օր առաջ արտահերթ խորհրդարանական ընտրություններ պետք է լինեն, ստանում են հասարակության աջակցությունն այդ դիրքորշման համար»,-շեշտեց Արմեն Մարտիրոսյանը:
Արմեն Մարիտրիրոսյանը նշեց՝ վերջին զարգացումներից հետո հակահեղափոխությունը չեզոքացվել է, Ռոբերտ Քոչարյանի ժամանակահատվածը անցյալում է:
Անդրադառնալով հարցին՝ արդյոք արտախորհրդարանական ուժերը բանակցո՞ւմ են ընտրություններին դաշինքով մասնակցելու համար, քանի որ վերլուծաբանները նշում են, որ միայն դաշինքով մասնակցելու պարագայում կկարողանան դիմակայել մրցակցությանը, այլապես կարող է կրկնվել Երևանի ավագանու ընտրությունների սցենարը, Արմեն Մարտիրոսյանն ասաց.
«Ես կարծում եմ, որ բոլոր արտախորհրդարանական ուժերը կուսակցությունների ներսում քննարկումներ կունենան, կգտնեն իրենց համար հարմար դաշնակիցներ: «Ժաանգության» մոտեցումը, գիտեք, եղել է այն, որ բոլոր հեղափոխական ուժերը առանձին պետք է մասնակցեն, հեղափոխությունը պիտի ամբողջովին ավարտին հասցվի»:
Անդրադառնալով դիտարկամանը, թե ՔՊ-ն կարծես սեփականաշնորհել է հեղափոխությունը, ավագանու ողջ քարոզարշավի ժամանակ հայտարարվում էր, որ հեղափոխությունը երկայացնում է ՔՊ-ն, Արմեն Մարտիրոսյանն ասաց, որ հասարակությունը շատ լավ գիտի՝ ովքեր են եղել փողոցում, պայքարելիս, կադրերում արտացոլված ևս կա:
Արմեն Մարտիրոսյանն ասաց, որ «Ժառանգությունը» ո՛չ «Սասնա Ծռերի», ո՛չ կուսակցությունների հետ հանդիպումներ, քննարկումներ դեռ չի ունեցել և դեռ պիտի քննարկվեն թե՛ խորհրդարանական ընտրությունների մասնակցության, թե՛ ձևաչափի, ցուցակի հետ կապված հարցերը:
Անդրադառնալով հարցին՝ կառավարության որևէ ներկայացուցչի հետ հանդիպում կուսակցության անդամներն ունեցե՞լ են, Արմեն Մարտիրոսյանն ասաց. «Պաշտոնական որևէ հանդիպում չի եղել, բայց ես Ընտրական օրենսգրքի քննարկումների ժամանակ առաջին փոխվարչապետի հետ զրուցել եմ: Եկեք առանձնազրույցի շրջանակը չբացեմ, դա ընդամենը հին ընկերների, ծանոթների զրույց էր, և կարծում եմ՝ դրա թեմատիկան վերաբերում է ինձ և պարոն Միրզոյանին»:
Պատասխանելով հարցին՝ արդյոք իր և Նիկոլ Փաշինյանի միջև ժամանակին եղած հակասությունները հիմա ամբողջովին հարթված համարո՞ւմ է, Արմեն Մարտիրոսյանն արձագանքեց. «Առանձնապես, որ ասեմ ինչ-որ մեծ խնդիրներ են եղել, չէ, որվհետև ձեր նշած հակասություներից հետո բազմիցս հանդիպել ենք, զրուցել ենք, որևէ խնդիր չի եղել: Կարծում եմ` և՛ պարոն Փաշինյանը, և՛ ես, այն տեսակետն ունենք, որ եթե միմյանց միջև առանձնակի հակադրություն չկա, ինչը չկա, կա պետական շահ և պետական շահի շուրջ պետք է համագործակցել, պարոն Փաշինյանը տեղյակ է, որ պետական շահը ինձ համար առաջնային է»,- նկատեց նա` հավելով, որ ասվածը դրսևորել է նաև հեղափոխության օրերին, որտեղ իրենց կուսակցությունը ակտիվ է եղել:
Մանրամասները՝ տեսանյութում: