Խոշոր հրդեհ Ստամբուլում. այրվում է միանգամից 3 գործարան (լուսանկարներ)
Ստամբուլի եվրոպական հատվածում գտնվող Էսենյուրթ շրջանում խոշոր հրդեհ է բռնկվել գործարաններից մեկում: Կրակը հասել է նաև հարևան գործարաններին:
Ինչպես գրում է թուրքական «Սյոզջու» պարբերականը, Էսենյուրթ վարչական շրջանի ղեկավար Ալի Մուրադ Ալթընթեփեն հայտարարել է, որ հրդեհի հետևանքով զոհեր չկան:
Աղբյուրը նշում է, որ հրդեհը սկիզբ է առել ներկատախտակների գործարանում, ինչից հետո շատ արագ տարածվել է պլաստիկ շշերի ու տեքստիլի արտադրությամբ զբաղվող հարևան երկու գործարանների վրա:
Դեռևս չմարված հրդեհը տարածվել է շուրջ 4000 քմ տարածքի վրա, դրա մարման աշխատանքներին մասնակցում է 98 հրշեջ-մեքենա ու 180 հրշեջ-փրկարար: