Պորոշենկոն Լուկաշենկոյի հետ հանդիպմանը խախտել է կանոնակարգը (տեսանյութ)
Ուկրաինայի նախագահ Պյոտր Պորոշենկոն բելառուս պաշտոնակցի՝ Ալեքսանդր Լուկաշենկոյի հետ բանակցությունների ժամանակ խախտել է ընդունված կանոնակարգը: Կատարվածին ուշադրություն է դարձրել 112 Украина կայքը, որը հեռարձակել է առաջնորդների հանդիպումը:
Պորոշենկոն և Լուկաշենկոն հանդիպել են բելառուսական Գոմել քաղաքում, ուր ուկրաինացի նախագահը ժամանել էր Ուկրաինայի և Բելառուսի շրջանների առաջին համաժողովի շրջանակներում:
Կանոնակարգի համաձայն առաջինը ելույթ է ունեցել ուկրաինացի նախագահը, որից հետո ամբիոնին մոտեցել է Լուկաշենկոն:
Բելառուս ղեկավարը հայտարարել է, որ անհրաժեշտ է բոլոր ջանքերն ուղղել Դոնբասում քաղաքացիական հակամարտության կարգավորմանը, և միայն հետո որոշել, թե «ով է մեղավոր»: Լուկաշենկոն ընդգծել է, որ Մինսկը պատրաստ է օգնել խաղաղության հասնելուն, սակայն գործելու է «միայն Ուկրաինայի և Ռուսաստանի միջև ձեռք բերված պայմանավորվածությունների շրջանակներում»:
Պորոշենկոն չի կարողացել նրա խոսքն անպատասխան թողնել և երկրորդ անգամ է խոսք վերցրել՝ դրանով իսկ խախտելով գագաթնաժողովի կանոնակարգը: Նախ նա շնորհակալություն է հայտնել Լուկաշենկոյին աջակցության համար, այնուհետև սկսել է խոսել Մինսկի պայմանավորվածությունների իրագործման անհրաժեշտության և «ռուսական ագրեսիայի» մասին: