Ֆրանսիայի և Գերմանիայի ղեկավարները պատմական գնացքի կրկնօրինակում ստորագրել են հուշագրքում (տեսանյութ)
Ֆրանսիայի և Գերմանիայի առաջնորդները շաբաթ կեսօրին այցելել են Ֆրանսիայի հյուսիսային շրջանում գտնվող Կոմպիեն քաղաք, որտեղ դաշնակիցներն ու Գերմանիան տարիներ առաջ հրադադարի մասին փաստաթուղթ էին ստորագրել:
Ինչպես փոխանցում է BBC News-ը, Ֆրանսիայի նախագահ Էմանուել Մակրոնը և Գերմանիայի կանցլեր Անգելա Մերկելը ստորագրել են հիշողությունների գրքում՝ գտնվելով գնացքի կրկնօրինակում, որտեղ 100 տարի առաջ ստորագրվել էր Առաջին աշխարհամարտի ավարտը ազդարարող հրադադարը:
Նշենք, որ այսօր Մակրոնը հանդիպում է ունեցել նաև ԱՄՆ նախագահ Դոնալդ Թրամփի հետ, որի ժամանակ քննարկվել է Եվրոպայի անվտանգության և ՆԱՏՕ-ում Եվրոպայի ներկայացուցչությունն ընդլայնելու հարցերը:
Շուրջ 70 երկրի ղեկավարներ հավաքվում են Փարիզում՝ մասնակցելու նոյեմբերի 10-11-ն անցկացվող տոնական միջոցառումներին՝ նվիրված պատերազմի ավարտի հարյուրամյակին:
Leaders of France and Germany sign remembrance book in replica of train carriage near Compiegne where Armistice ending World War One was signed 100 years ago #Armistice100https://t.co/DQkmIoqdap pic.twitter.com/ZTkXt86mkH
— BBC News (World) (@BBCWorld) November 10, 2018