Դասական մոդելների վերածնունդ. Nokia-ն ստեղներով նոր հեռախոսներ է թողարկել
Ֆիննական Nokia ապրանքանիշը նորացրել է իր բջջային հեռախոսի դասական 106 և 230 մոդելները՝ թողարկելով դրանց նոր սերնդի տարբերակները:
Ինչպես հաղորդում է Корреспондент-ը, նորագույն գաջեթների գլխավոր առանձնահատկությունը մարտկոցի երկարատև աշխատանքն է: Nokia 106 մոդելի նոր սերունդը համալրվել է SIM-քարտի ներդրման համար նախատեսված տեղով, ինչպես նաև ընդլայնված ներքին հիշողությամբ: Դա թույլ կտա օգտատիրոջը մինչև 2000 հեռախոսահամար և 500 հաղորդակցություն պահել:
Տեսախցիկ հեռախոսում չկա, սակայն ստեղծողները պահպանել են հանրահայտ օձով խաղը:
Ինչ վերաբերում է Nokia 230 մոդելին, այն համալրվել է պոլիկարբոնատից պատրաստված կորպուսով, որը վնասվելու ավելի քիչ հավանականություն ունի: Արտադրողները խոստանում են, որ բջջայինը խոսելու ռեժիմում 15 ժամ կարող է աշխատել և մինչև 3 շաբաթ սպասման ռեժիմում:
Երկու մոդելն էլ համացանցին միանալու գործառույթով են համալրված, սակայն միայն 2G ցանցին: