ԱԺ-ն հաստատեց համաձայնագիր, ըստ որի՝ ՀՀ-ի համար ԵԱՏՄ մաքսատուրքերի բաշխման լրացուցիչ մասնաբաժինը շարունակելու է կիրառվել մինչև 2019 թ. ավարտը
ԱԺ-ում քվեարկության դրվեց «Ղրղզստանի Հանրապետության՝ «Եվրասիական տնտեսական միության մասին» 2014 թվականի մայիսի 29-ի պայմանագրին միանալու վերաբերյալ» 2014 թվականի դեկտեմբերի 23-ին ստորագրված պայմանագրում փոփոխություն կատարելու մասին» արձանագրությունը վավերացնելու մասին համաձայնագիրը:
Համաձայնագիրն ընդունվեց 71 կողմ, 1 ձեռնպահ քվեարկությամբ:
Հիշեցնենք, որ արձանագրությամբ առաջարկվող փոփոխության ընդունման դեպքում ՀՀ համար կիրառվող ներմուծման մաքսատուրքերի գումարների բաշխման 1,220 %-ի չափով նորմատիվի կիրառման ժամկետը կերկարի մինչև 2019 թ. դեկտեմբերի 31-ը:
Հիշեցնենք նաև, որ ԵԱՏՄ անդամ պետությունների նախագահների կողմից 2017թ. ապրիլի 11-ին քաղաք Մոսկվայում ստորագրված «Ղրղզստանի Հանրապետության՝ «Եվրասիական տնտեսական միության մասին» 2014 թվականի մայիսի 29-ի պայմանագրին միանալու վերաբերյալ» 2014 թվականի դեկտեմբերի 23-ին ստորագրված պայմանագրի առանձին դրույթների կիրառման վերաբերյալ» արձանագրությամբ հաստատվել էր Հայաստանի Հանրապետության համար ներմուծման մաքսատուրքերի գումարների բաշխման նորմատիվը 1,11 %-ի փոխարեն սահմանել 1,220 %:
«Համաձայնագրի ընդունումը ենթադրում է, որ մեզ համար լրացուցիչ բաժին ընկնող մասնաբաժինը շարունակելու է կիրառվել մինչև 2019 թ. ավարտը:
Ի դեպ, սահմանված դրույքաչափերով՝ Բելառուսը ստանում է 4, 56%, Ղազախստանը 7, 55%, Ղրղզստան՝ 1, 9, ՌԴ՝ 85, 265%: