Իսպանիան Մեծ Բրիտանիայից լրացուցիչ զիջումներ է պահանջում Ջիբրալթարի հարցում
Պաշտոնական Մադրիդի այս հայտարարությունը հնչում է Լոնդոնի և Բրյուսելի միջև շարունակվող բանակցությունների ֆոնին, սակայն առայժմ հստակ չէ , թե արդյոք կողմերը կհասնեն դրական արդյունքի:
Իսպանիան, որը կասկածի տակ է դնում Ջիբրալթարի նկատմամբ բրիտանական ինքնիշխանությունը, պահանջում է, որպեսզի փաստաթղթում ներառվի կետ, ըստ որի Ջիբրալթարի ապագան կորոշվի Մադրիդի և Լոնդոնի միջև ուղղակի բանակցությունների արդյունքում:
Եվրամիության անդամ մյուս երկրների առաջնորդները պատրաստ են համաձայնագրին հավանություն տալ նոյեմբերի 25-ին, սակայն Մեծ Բրիտանիայի ճակատագիրը այդ երկրի ներսում մնում է անհայտ:
Բրեքզիթի կողմնակիցները պնդում են, որ պայմանագիրը շահավետ է Թագավորության համար, մինչդեռ ընդդիմախոսները պահանջում են երկիրը Եվրամիությունից դուրս գալու հարցով երկրորդ հանրաքվեն անցկացնել:
Վարչապետ Թերեզա Մեյը բացառել է նոր հանրաքվեի անցկացումը: