Եգիտոսում սարկոֆագներով և ուշագրավ որմնանկարներով հնագույն դամբարաններ են հայտնաբերվել (լուսանկարներ)
Եգիպտոսի հարավային Լուքսոր քաղաքի շրջանում հնագետները փարավոնների 19-րդ արքայատոհմին (մ.թ.ա. 1292-1186 թթ.) պատկանող դամբարան են հայտնաբերել: Ինչպես հայտնում է Корреспондент-ը, այս մասին տեղեկացրել է Եգիպտոսի հնագույն հուշարձանների հարցերով նախարար Խալեդ ալ-Անանաին:
Դամբարանում, որն ամենայն հավանականությամբ, պատկանել է Ամոն աստծու տաճարի հոգևոր ծառայողին, գիտնականները մումիա պարունակող սարկոֆագ են հայտնաբերել, ինչպես նաև տարատեսակ առարկաներ, այդ թվում՝ հուղարկավորման սափորիկներ և դիմակ: Դամբարանի պատերը զարդարված են եղել գունավոր նկարներով:
Բացի այդ, հնագետները ևս մեկ դամբարան են հայտնաբերել մոտակայքում, որտեղ երկու սարկոֆագ և մումիաներ են գտնվել: Այդ դամբարանը համապատասխանում է արդեն փարավոնների 25-րդ արքայատոհմի ժամանակաշրջանին: