Անդրես Մանուել Լոպես Օբրադորը ստանձնել է Մեքսիկայի նախագահի պաշտոնը
Շաբաթ՝ դեկտեմբերի 1-ին, Մեքսիկայում կայացել է երկրի նորընտիր նախագահ Անդրես Մանուել Լոպես Օբրադորի երդմնակալության արարողությունը, որը կղեկավարի երկիրը մինչև 2024 թվականը: Ինչպես գրում է TACC-ը, Լոպես Օբրադորը դարձել է Մեքսիկայի առաջին նախագահը, որը ներկայացնում է ձախակողմյան ուժերը:
Երդմնակալության հանդիսավոր արարողության ժամանակ նորընտրի նախագահը խոստացել է պաշտպանել երկրի օրենսդրությունը և «հավատարմորեն ու հայրենասիրաբար կատարել հանրապետության նախագահի պարտականությունները», որոնք իր ուսերին է դրել ժողովուրդը:
«Նոր կառավարության ծրագիրը կոռուպցիային ու անպատժելիությանը վերջ դնելն է», - ընդգծել է նա՝ նշելով, որ այդ բացասական երևույթները «խոչընդոտում են Մեքսիկայի վերածննդին»:
Ավելի վաղ Լոպես Օբրադորը հայտարարել էր, որ կոռուպցիայի դեմ պայքարը նոր էջից է սկելու, սակայն մտադիր չէ «ներել» նրանց, ում նկատմամբ արդեն իսկ հետաքննություն է տարվում: Երկրի նախագահի պաշտոնում նա նաև մտադիր է ակտիվ պայքար մղել հանցավորության դեմ, ստեղծել տարեկան ավելի քան մեկ միլիոն աշխատատեղ և մի շարք այլ բարեփոխումներ անել: